Erriberriko Antzerki Klasikoaren Jaialdian jarduera berriak garatzen ari dira. Asteartean, uztailak 27, 22,30ean, Jaialdiak, La Cavako agertokian, Pierre Marivaux frantziar dramagilearen ‘El príncipe travestido’ lana programatu du, Kanarietako Aktoreen Eskolak interpretatuta; horrekin batera, Errege Jauregian, "El museo de los horrores teatrales" antzerki unibertsaleko eszena anker eta beldurgarrienei eskainitako emanaldiaren bi saio egongo dira, 22:00etan eta 23:00etan.

Asteazkenean, uztailak 28, Errege Jauregian, Humor Amor en Poesía ataleko ikuskizun berria egongo da 20:00etan, Saturnino Garcíarekin. Garai, estilo eta gai guztietako poesia errepertorioa eskaintzen da, maitasuna, umorea eta ikuskizuna bateratzeko.

Gauean, 22,30ean, La Cavako agertokian, XXL antzerki-konpainiak ‘Lisístrata, la paz por güebos’ Aristofanesen komediaren bertsio librea aurkeztuko du. Greziar ukitua alde batera utzi eta kabaretera hurbiltzen da. Horrekin batera, Errege Jauregian, ‘El museo de los Horrores Teatrales’ emanaldiaren bi saio egongo dira, 22:00etan eta 23:00etan.