Fiteroko "Juan de Palafox" Haur eta Lehen Hezkuntzako ikastetxe publikoaren lanak nahikoa aurreratuta daude dagoeneko, gaur goizean, Hezkuntzako kontseilari Alberto Catalán Higuerasek egiaztatu duen moduan. Erriberako ikastetxe honetara egindako bisitan, Pachi Yanguas Fernandez udalerriko alkatea ere izan da.

Jarduera 2012 Nafarroako Planean jasotzen da, eta 200.000 euroko aurrekontua da. Helburua gelen isolamendu termikoa hobetzea da.

Zehazki, kirol pista nagusira heltzen den korridorearen isolamendua hobetuko da (lehen fasean bi hegal itxi zituzten, eta orain gainerakoak gauzatzen ari dira). Horrez gain, gelen ateak aldatu, estalkiaren isolamendua hobetu eta sarbide nagusiaren korridorean, harrera-leku bat jarriko dute, atezaindegia eraikitzeko.

Lanak oporraldian egiten ari dira, eta ikasturtearen hasierarako bukatzea aurreikusi dute. Gogoratu behar da aurreko urtean (2009-2010) 169 ikasle matrikulatu zirela. Ikastetxeak 4.500 m²-ko azalera du, eta kirol eremua eta estalitako frontoi bat ditu