Nafarroako Gobernuak Pirinioetan enpresen eta zerbitzuen balio anitzeko hiru zentro eraikitzeko ideien lehiaketa ebatzi du. Zentro horiek Urrobi (Erro), Burgi eta Izize (Galoze) industrialdeetan kokatuko dira eta Erro-Aezkoa, Erronkari eta Zaraitzu ibarrei zerbitzu emango diete, hurrenez hurren.

Ehun proposamen baino gehiago aurkeztu dira eta hurrengo hauek irabazi dute: Juan José Peralta Graciak eta Andrés Ayesa Pascualek osatutako ABEEk bultzatu duen "Caracruz", Erronkari ibarrerako; "Pirineando", Pereda Pérez Arquitectos estudioak aurkeztu duena Erro eta Aezkoa ibarretarako; eta "Contexto", Julio de la Fuente Martínezek eta Natalia Gutiérrez Sánchezek osatutako ABEEk sustatua, Zaraitzu ibarrerako.

Epaimahaia Nasursa (Navarra de Suelo Residencial, SA) sozietate publikoko teknikariek osatu dute. Erabakia hartzeko, epaimahaiak kontuan hartu du diseinuak funtzionalak izatea eta proposamenak jasangarriak, ekonomikoak eta kalitate teknikodunak izatea, eraikuntzari zein mantentzeari dagokienez.

Erabakia hartu ondoren, ekipo irabazleek proiektuak idazteko izapideak abian jarriko dira orain. Ekipo horiek lanen zuzendaritza ere euren gain hartuko dute.