Osasun Departamentuak familiei eta irakasleei zuzendutako agiria argitaratu du, data hauetan irakaskuntza jarduera hasten duten ikasleentzako informazio erabilgarriarekin. Agiria Nafarroako Gobernuaren web atarian aurki daiteke, "Osasuntsu itzuli... ikastetxera" izenburupean.

Agiri horretan hainbat gomendio eta aholku ematen dira hauen inguruan: elikadura, ariketa fisikoa, higienea eta garbitasuna, bizkarraren, ilearn eta hortzen zainketa bereziak, afektibitatea eta sexualitatea, segurtasuna eta istripuen prebentzioa, ariketak eta atsedena, eta eskolako elkarbizitza.

Gomendioak gaztelaniaz, euskaraz, ingelesez, frantsesez, arabieraz, errumanieraz eta bulgarieraz eskaintzen dira, irakaskuntzan erabiltzen diren hizkuntzez gain immigrante gehienen ama-hizkuntzak erabiliz.

Material informatibo horiek gaur aurkeztu ditu Mariso Aranguren Osasun Publikoaren Institutuko zuzendariak eta Lázaro Elizalde doktoreak, Institutuaren egoitzan.