Irailaren 29tik urriaren 1era BioSpain topaketaren bosgarren edizioa hartuko du Iruñeak (

Horrez gain, BioSpain 2010 topaketan hiru hizlari egongo dira: Carlos Cordón-Cardo Columbia Unibertsitateko Patologia Saileko zuzendariordea; Larry Fritz Covella Pharmaceuticals izenekoaren presidentea eta CEO eta Westfield Capital Management arrisku-kapitaleko enpresaren bazkidea, eta Conny Bogentoft Karolinska Developement AB izenekoaren CEO. Cordón-Cardók minbiziaren tratamenduan zelula amen eginkizuna azalduko du; Larry Fritzek enpresa bioteknologiko arrakastatsua nola sortu eta garatu behar den jorratuko du, eta Bogentoftek teknologia-transferentzia eraginkorra nola egin behar den landuko du.

BioSpain 2010 ekitaldiaren atal bat konpainien artean aldebiko topaketak antolatzea da, horretarako prestatutako aretoetan. Bestalde, inbertsiogileen foroa egingo da, Europe Unlimited izenekoak antolatuta. Xedea etorkizuneko enpresa-proiektuetarako finantzaketa bide berriak lortzea da. Foro horretan, 30 konpainiak negozio-planak aurkeztuko dituzte hurrengo hauetako adituen talde baten aurrean: Merck & Co, Bay City Capital, La Caixa, Ysios Capital Partners, GlaxoSmithKline Pharmaceuticals, Forbion Capital Partners, Suanfarma Biotech, McKinsey & Company eta PharmaVentures, besteak beste.

Topaketara doazenek enpresetako eta erakundeetako ordezkariei entzuteko aukera izango dute speaker corner izenekoan. Horretan aurkezpenen agenda sortzen ari dira, talde horien negozio-ildoak eta produktuak erakusteko.

Aurreko edizioetan bezala, BioSpain 2010 ekitaldiaren programa zientifikoa Bioteknologiaren Espainiako Sozietateak (SEBIOT) egin du. Hurrengo hauek parte hartzea aurreikusi da: CSIC-eko eta CIMAko zientzialariak (España); Interdisciplinary Nanoscience Center of Aarhus University-koak (Danimarka); European Molecular Biology Laboratory-koak (Alemania), eta Institute of Food Research-ekoak (Britainia Handia).

Zientzia eta Berrikuntza Ministerioaren Idazkaritza Orokorreko datuen arabera, konpainia bioteknologikoek batez beste 6 langile zituzten 2003an. Gaur egun, batez beste 20 langile dituzte eta I+Gko inbertsio publikoa %30 hazi da 2006tik. Era berean, bioteknologiak 2010ean izandako inpaktu makroekonomikoa nazioko BPGd-ren %1,2 da. Bestalde, Zientzia Ministerioak sektore bioteknologikoari emandako laguntzak 105 milioi eurokoak izan ziren 2009an, hau da, organismo horrek banatutako laguntza guztien %5,6. Testuinguru horretan, Espainia ELGAren barruan osasun arloko I+G+b-ra bitarteko publiko gehien bideratzen dituen bigarren herrialdea da –Estatu Batuen atzetik-.

ASEBIOren azken txostenaren arabera, nazioko sektore bioteknologikoaren neurria, enpresa kopuruari dagokionez, 2005etik 2008ra bikoiztu egin da ia-ia. Azken urte honetan, sektore bioteknologikoak 31.100 milioi eurotik gorako negozio-zifra izan zuen eta 108.374 pertsonari lana eman zion. Urtetik urterako hazkundea %18,9 eta %4,3 izan zen, hurrenez hurren. Konpainia bioteknologikoek I+G-n egindako barne gastuak eboluzio ona izan zuen eta 85 milioi euro hazi zen. Madril eta Katalunia dira esparru horretako adierazle nagusiak dituzten autonomia-erkidegoak, eta atzetik Andaluzia eta Euskal Autonomia Erkidegoa datoz.

Madrilgo Parke Zientifikoak, ASEBIOrekin lankidetzan, 2009an 430 asmakuntza bioteknologiko identifikatu zituen. Horien %57 Patenteen eta Marken Espainiako Bulegoaren bidez aurkeztu zituzten. Espainiako enpresek aldizkari eta komunikabide espezializatuetan egindako argitalpen zientifikoei dagokienez, 177 inpaktu zenbatu dira, eta horien titulartasuna 24 entitateri dagokio (2008an 22 enpresaren oihartzunak egon ziren). Amaitzeko, 2009an, 39 produktu atera zituzten ASEBIOrekin lankidetzan aritzen diren entitateek, 101 aliantza zenbatu ziren –%42 biotek enpresen eta entitate publikoen artean- eta 58 enpresa bioteknologiko berri sortu ziren.