Nafarroako Gobernuko Lehendakariak, Miguel Sanz Sesmak, Japoniako KYB enpresako ordezkariak hartu ditu gaur Nafarroako Jauregian, foru erkidegora bisitan etorri direla-eta.

Ordezkarien burua enpresako presidentea, Masao Usuider, izan da. Usuiderrek aukera baliatu du bere burua aurkezteko, ekainean izendatu baitzuten enpresa presidente.

Bileran, Usuiderrek Nafarroako Gobernuari eskertu dio enpresak Los Arcosen daukan instalazioan parte hartzea, eta Sanz Lehendakariari jakinarazi dio Gobernua eta KYB beste konpromiso batean aurrera egiten ari direla. Zehazki, teknika eta zerbitzu zentro bat sortu nahi dute, ingeniaritza eta administrazio unitateak berrantolatzeko eta biltzeko.

Nafarroako Gobernuko eta enpresako ordezkariek egoera ekonomikoaz ere hitz egin dute eta iritzi diote bai Japoniarentzat, bai Nafarroarentzat, estrategia onena dela ekoizpena nazioartekotzea.

KYB enpresaren aldetik bileran izan dira, presidenteaz gain, honako hauek: konpainiako kontseilaria, Akiyoshi Tanaka; KYB Europe Headquarters (KEH) delakoaren presidentea, Keiichi Handa; KYBSEren Ororbiako presidentea, Toshihiko Hatakeyama; eta KEHeko finantza zuzendaria, Jose Maria Garcia Sotoro.

Foru Gobernuaren aldetik parte hartu dute Berrikuntza, Enpresa eta Enplegu kontseilari Jose Maria Roigek, Enpresa arloko zuzendari nagusi Begoña Urienek eta Sodenako zuzendari nagusi Jos Mª Aracamak