Nafarroako Gazteriaren Institutuak 44.600 euroko diru-laguntza banatu du sei gazte elkarteren artean, gazteen bizi garapena errazten duten eta gizartean modu aktiboan parte har dezaten sustatzen duten proiektu batzuk aurrera eramateko.

Hauek dira diru-laguntzak jaso dituzten elkarte eta proiektuak: Nafarroako Eskaut Katolikoak, erromesei arreta emateko "Donejakue Gaztea 2010" proiekturako; Enpresaburu Gazteen Elkarteak, gazteen ekiteko grina sustatzeko; Tratu Onen Aldeko Kolektiboak, genero indarkeria prebenitzeko asmoa duen proiektu baterako; Gazteen Isaba Klubak, Lituanian adindun eta haurren oinarrizko premiak asetzeko ekimen solidario baterako; Gurutze Gorriko Gazteriak, elkartean lan egiten duten gazteak trebatzeko, batetik, eta ohitura osasungarrien gainean kontzientziatzeko, bestetik; eta UGTko Gazteriak, bikote harremanetako indarkeriaren kontrako proiektu baterako.

Azkenik, gogoratu NGIren erroldan erregistratuta dauden gazte elkarteek irailaren 20a dutela azken eguna gazte jardueretarako eta elkartearen funtzionamendu eta ekipamendurako diru-laguntzak eskatzeko