Ilundáin Haritz-Berri Fundazioak eta Nafarroako Nuevo Futuro Elkarteak Nafarroako Gobernuko Familia, Gazteria, Kirol eta Gizarte Gaietako Departamentuak eta Tomás y Lydia Recari Fundazioak ematen duten Gizarte Zerbitzuetako Kalitatearen III. Saria irabazi dute. Hain zuzen ere, saria Nafarroan gizarte-xedeak dituzten entitateei ematen zaie, zerbitu horien erabiltzaileei emandako arretan eginera onengatik nabarmentzen direnean.

Ilundáin Haritz-Berri Fundazioaren kasuan, saria Lan Sarreran programari esker irabazi dute, Eginera onak artapenean modalitatean. Programa hori 16 eta 20 urte bitarteko gazteen laneratzera bideratuta dago. Nuevo Futuro Elkartearen kasuan, baloratutako meritua Denboraren malgutasun, uztartze eta kudeaketa erreminta izenekoa da, Eginera onak enpleguaren kalitatean modalitatearen barruan.

María Isabel García Malo Gizarte Gaietako kontseilariak saridunen zerrenda aurkeztu du gaur. Saridunek 3.000 euroko saria jasoko dute. Kontseilariak gogorarazi duenez, Tomás y Lydia Recari García Fundazioarekin batera finantzatu eta antolatutako sari hauen xedea kalitatea sustatzea da, "kalitatea zerbitzuetan, kalitatea azpiegituretan eta, azken buruan, bizi kalitatea".