Nafarroako Ogasunak 2009an orotara 156,7 milioi euro berreskuratu zituen Zerga Iruzurrari Aurre Egiteko Planaren bidez. 2003. urtetik, zerga iruzurrari aurre egiteko plan espezifikoak ezarri zirenetik erregistratutako zenbatekorik handiena da. 2009 urtea krisi ekonomikoaren urterik txarrean izan arren, zerga bilketa murrizketaren ondorioz, berreskuratutako zenbatekoa handiena da termino absolutuetan (2008an baino %0,5 gehiago) eta baita Ogasunarekiko diru-sarrerei dagokienez ere. Horrela, 2009an, iruzurrari aurre egiteko planean berreskuratutakoa zerga bilketari dagokionez %5,2koa da, 2008an erregistratutako %4,9aren aldean.

Aurkeztutako datuen arabera, 2008-2012 Zerga Iruzurrari Aurre Egiteko Planaren indarraldiaren lehen bi urteetan, Ogasunak 2003-2007 Lehen Planaren lehen bost urteetan lortutakoa baino %70 gehiago lortu du. Azken urteetan lortutako zenbatekoen eboluzioa goranzkoa izan da, ondoko zenbatekoek erakusten duten bezala: 50,2 milioi euro 2003an; 75,1 milioi euro 2004an; 89 milioi euro 2005ean; 118,3 milioi euro 2006an eta 123 milioi euro 2007an, Plana indarrean izan zeneko azken urtean. 2008an 155,8 milioi euro berreskuratu ziren eta 2009an zenbatekoa 156,7 milioi eurokoa izan da.

2009an berreskuratutako ehunekoa Ogasunak lortutako zerga sarrerei dagokienez %5,2koa da. Aurreko urteekin konparatzen badugu, datua goranzkoa da: 2007an, Planaren azken urtean, berreskuratutako zenbatekoaren ehunekoa zerga bilketari dagokionez %3,4 handiagoa izan zen 2006koaren aldean; 2008an 2007koaren aldean %4,9 handitu zen. 2009ko datua, gainera, 2003koaren bikoitzaren ingurukoa da, 2,05koa izan zena.

Era berean, aipatzekoak ondokoetan antzemandako iruzurrak: berrezarpena (2,6 milioi euro), tailerrak (2 milioi euro), industria metalikoa (1,9 milioi euro), manufaktura industria (1,3 milioi euro), produktuen berreskurapena -txatarrak-(1,3 milioi euro) eta 500 euroko billeteekin egindako eragiketak (1,1 milioi euro). Iruzurra izan zuten zerga nagusienak BEZ (22,8 milioi euro), Sozietate Zerga (19 milioi euro) eta PFEZ (7,6 milioi euro) izan ziren.

Bilketaren bidez, Ogasunak 2009an orotara 23,7 milioi berreskuratu zituen, 2008an baino %18,5 gehiago.

Azkenik, kudeaketaren bidez (bereziki, aitorpenen berrikusketa) 68,9 milioi berreskuratu ziren. Zenbatekoa aurreko ekitaldikoa baino %17,8 txikiagoa da, nahiz eta jarduerak handitu (28.785 2009an eta 28.282 2008an). Adierazitakoaren arabera, kudeaketa saila izan da krisiaren eragin handiena izan duena, oso harreman estua baitu 2009ko ekitaldiko ekonomiaren martxarekin. Banaketa eginda, iruzurra antzeman zeneko zerga nagusiak ondokoak izan ziren: BEZ (38,8 milioi euro), Eskakizunak (12,4 milioi euro), PFEZ (9,3 milioi euro), Errekarguak (6,0 milioi euro), Sozietate Zerga (3,7 milioi euro), Ondare Eskualdaketa Zerga (3,1 milioi euro) eta bestelako zergak (6,8 milioi euro).