Kultura eta Turismo kontseilariak, Juan Ramón Corpas Mauleón jaunak, gaur goizean Lizarran Karlismoari buruzko Azterketaren IV. Jardunaldiak inauguratu ditu, hilaren 24, ostirala arte, "Por Dios, por la Patria y el Rey". Las ideas del carlismo titulupean. Aurreko urteetan bezala, Jardunaldiak ospatzeko aukeratutako egoitza Lizarrako Kultur-Etxea da. Kontseilariarekin batera, bertan izan ziren Lizarrako alkatea, Begoña Ganuza, eta Madrilgo Unibertsitate Konplutenseko katedratikoa eta Jardunaldietako Batzorde Zientifikoko kidea den Juan Pablo Fusi.

Jardunaldiek, hiru egunez luzatuko direnak goiz eta arratsaldez, orotara hamabi ponentzia izango dituzte, eta ondokoez osatuko dira: Lizarrako Golem Los Llanos zinemetan, José María Tuduriren "Santa Cruz, el cura guerrillero"; erakusketa, irailaren 23rako aurreikusitakoa, 19:30ean publiko guztientzat eta dohainik izango da edukiera bete arte.

Jardunaldien inaugurazioan, Kultura eta Turismo kontseilariak berriki hildako Carlos Hugo de Borbón Palma jauna gogoratu zuen, Karlismoaren sinboloa izandakoa hamarkada askotan, eta urte honetan birritan Lizarran izandakoa: bisita pribatuan eta Karlismoaren Museoaren inaugurazioan izateko.

Era berean, aurreko urteetan bezala, aurreko edizioaren aktak aurkeztu ziren, kasu honetan, III. Jardunaldietakoak.

Hitzordu honekin 2007an hasitako izaera zientifikoko topaguneekin jarraitu nahi da, lehen edizioan izandakoarekin, eta jarraipena izan duenarekin hurrengo urteetan. Hasieratik, jardunaldi horien helburua gertaera historikoari buruzko ikerketaren gainean hausnartzea eta hori zabaltzea izan da.

Karlismoaren I. Ikerketa Jardunaldien izenburua "El Carlismo en su tiempo: geografías de la contrarrevolución" izan zen; II. Jardunaldietan, lan aztertzeko gaia "Violencias fratricidas: carlistas y liberales en el siglo XIX"; eta III. Jardunaldiena "Imágenes. El carlismo en las artes".

Hizlariak, Espainia, Frantzia eta Portugaleko leku desberdinetatik etorritakoak, Karlismoaren Museoko aholkularitza Batzorde Zientifikoak aukeratuak izan dira. Horiei agindu zaie izaera zientifikoko Jardunaldien antolaketa, bereziki unibertsitateko ikasle, doktoretzan diharduten, ikertzaile eta bigarren hezkuntzako irakasleei zuzendutakoak.

Izena emateko kuota 100 eurokoa da, eta %50eko murrizketa izateko aukera dago diru-sarrerarik ez duten ikasle eta lizentziadunentzat. Inskripzioko eskubideen ordainketak aktak jasotzeko eskubidea dakar behin argitaratzen direnean.

Edizio honetan, Kultura eta Turismo Departamentuak -Instituto Príncipe de Vianak, hamar beka eman ditu bigarren eta hirugarren zikloko unibertsitateko ikasleentzat. Beka horrekin, inskripzioa ez da ordaindu behar eta 200 euro ematen dira alojamendu eta jateko kontzeptuan.