Amelia Salanueva Murguialday Toki Administrazioko kontseilariak inbertsioen multzoa onetsi du, 1.928.234 eurokoa, Erdialdeko eta Estellerriko bost herritako azpiegiturak hobetzeko.

Lanak 2009-2012 Toki Azpiegituren Planaren barruan sartzen dira eta zati batean Nafarroako Gobernuak finantzatuko ditu, 853.050,56 euroko ekarpena eginda.

Jarraian, alfabetoaren arabera ordenatuta, herri onuradunak eta onetsitako proiektuak, horietan egin beharreko inbertsioa eta emandako diru-laguntza adierazi dira.

Lanen bidez saneamendu sarea berrituko da Errotako Bidean (2. fasea) eta hornikuntza eta saneamendu sareak zenbait kale txikitan. Horrez gain, kale txiki horietan zoladura jarriko da.

Aurrekontu osoa 922.255,39 eurokoa da, eta kopuru horretatik 369.730,26 euro Nafarroako Gobernuak finantzatuko ditu.

Onetsitako proiektua dela bide, Foruen plazako ur beltzen saneamenduko hodi-biltzailearen zati bat berrituko da, etxeetara lau hartune egingo dira eta lanek ukitutako zoladura berrituko da. Aurrekontua 37.092,04 eurokoa da, eta kopuru horretatik 22.003,75 euro Nafarroako Gobernuak finantzatuko ditu.

Lanen bidez ur biltegira joateko bidea egokituko da.

Aurrekontua 19.500 eurokoa da, eta Nafarroako Gobernuak 13.650 euro jarriko ditu.

Onetsitako proiektuak direla bide, hornikuntza sareak berrituko dira San Martin kalean eta Jaitzeko errepidean.

Inbertsioa 32.295,61 eurokoa da, eta kopuru horretatik 19.158,42 euro Nafarroako Gobernuak jarriko ditu.

Tafallan Paseo Las Ruedas, Poyo, Túbal eta Portal Nuevo kaleetan zoladura jarriko da.