"Pablo Sarasate" Kontserbatorio Profesionaleko Orkestra Sinfonikoak bira bat egin du Polonian eta lau kontzertu eskaini ditu, Fréderic Chopin (1810-2010) konpositore poloniarraren jaiotzaren berrehun urte ospatzeko jardunaldien artean.

Zehazki, ondoko udalerrietan jo du: Szafarnia, Brodnica, Torun eta Bydgosczc. Azken udalerri horretan Lukasz Stefan Krupinskin piano jolearekin jardun du, Szafarnia piano lehiaketaren azken edizioko irabazlearekin. Lehiaketa horretan Iruñeko kontserbatorioko Fermín Bernechea epai mahaikide izan zen.

Orkestrak, 50 ikaslek eta bost irakaslek osatutakoak, Falla, Sarasate, Ravel, Aita Donosti eta Chopinen obrak interpretatu ditu Polonian, irailaren 3 eta 10 bitartean.

Kontzertuez gain, taldeko kideek Varsoviako Chopin museoa, kontserbatorioa eta Torungo udaletxea bisitatu dute. Bertan alkatearen harrera izan zuten; halaber, Lubostron jauregia bisitatu zuten, eta bertan, Edgar Hartwich eskualdeko presidenteordearen eta Kultura kontseilariaren harrera izan zuten.

Berriro ere Nafarroan, ostiral honetan, irailaren 24an, "Pablo Sarasate" Kontserbatorio Profesionaleko Orkestra Sinfonikoak Baluarte Ganbara Aretoan joko du. Chopinen 1 zenbakidun kontzertua interpretatuko du, Lukasz Stefan Krupinskirekin batera, Szafarnia piano lehiaketako irabazlearekin.