Nafarroako Lan Osasunaren Institutuak (NLOI) bere web orrian "

Hainbat eduki biltzen ditu: amatasunari, haurdunaldiari eta edoskitzeari lotutako edukiak (eginera onen gidak, arriskuen prebentzioa, gizarte prestazioen zerrenda, etab.); laneko arriskuak ebaluatzeko metodoak; berdintasuna eta familiaren bizitza eta laneko bizitza uztartzea (berdintasun planak enpresetan, araudia, diru-laguntzak), sexu-jazarpena (prebentzioa, jarduera prozedurak, ekintza sindikaleko eskuliburuak), baita alderdi horiei guztiei lotutako araudia, dokumentazioa eta loturak ere.

Eduki horiek guztiak Alberto Margallo NLOIko zuzendari kudeatzaileak azaldu zituen enpresetako arriskuen ebaluazioetan eta lan osasunari lotutako gainerako jardunetan gizonezkoen eta emakumezkoen berdintasuna sustatzeko aste honetan egin den jardunaldi batean. Hizlariak Sara Copsey Laneko Segurtasun eta Osasunerako Europako Agentziako genero-gaietako proiektuburua eta arduraduna, Ana Saldaña Nafarroako Laneko eta Gizarte Segurantzako ikuskaria, NLOIko profesionalak eta teknikariak eta Nafarroako Berdintasunerako Institutuko profesionalak eta teknikariak izan dira.

Jardunaldi hori Nafarroako II. Osasun Planean ezarritako jardunen barruan sartzen da, genero-gaiei dagokienez. Plan horren bidez, hobekuntza ildoak sartu nahi dira emakumeen lan baldintzetan, laneko arriskuen prebentzioari lotutako alderdiak garatu nahi dira eta haurdunaldiaren eta edoskitzearen babesa lortu nahi da.