Urrian pertsona bat hil da trafiko-istripuan Nafarroako hiri barruko eta hiriarteko errepideetan, eta ezbehar-kopuruak %4 egin du behera 2009ko aldi berarekin konparatuz gero. Pertsona bat urriaren 4an hil zen trafiko-istripuan, furgoneta batek eta kamioi batek N-121 errepidean talka egin eta gero, Sunbillaren parean. Furgonetako gidaria hil egin zen.

Barne Zuzendaritza Nagusiak bildutako behin-behineko datuen arabera, urteko lehenengo hamar hilabeteetan Nafarroako errepideetan 31 pertsona hil dira guztira, eta aurreko urtean 30. Horren arabera, heriotza kopuruak %3,33 egin du gora.

Uda bereziki tragikoa izan da, uztailean lau pertsona eta abuztuan zazpi pertsona hil baitziren trafiko-istripuetan. Horren ostean, irailean eta urrian ezbeharr kopuruak behera egin du.

2010ean hildakoen artean, 24 gizonak eta zazpi emakumeak izan dira, eta azken horien artean, britainiar naziotasuneko 9 urteko bi neskato, abuztuan Tuteran hil zirenak. Hildakoen artean bost oinezkoak ziren eta beste bi txirrindulariak. Zenbatutako 28 ezbeharretatik, 17 inplikatutako ibilgailuak bidetik ateratzearen ondorioz geratu ziren, sei talken eraginez, eta bat stop bati jaramonik ez egiteagatik. Aipatzekoa da hildakoak eragin dituzten istripu gehienak ostirala eta igandea bitartean gertatu direla.