Nafarroako Administrazio Publikoaren Institutuko Euskara eta Hizkuntza Komunitarioen Zerbitzuak funtzionarioentzat antolatutako frantseseko, ingeleseko eta alemaneko ikastaroetan lekua eskatzeko epea datorren astelehenean, azaroak 15, amaituko da ikastaro erdi-presentzialen kasuan, eta asteartean, azaroak 16, ikastaro presentzialen kasuan.

Euskara eta Hizkuntza Komunitarioen Zerbitzuak ikastaro estentsiboak eskaintzen ditu modalitate erdipresentzialean, ordutegi pertsonalean egiten direnak, eta ikastaro presentzialak, laneko ordutegian egiten direnak eta Zerbitzuko zuzendaritzen bitartez bideratzen direnak, eguneroko eginkizunean hizkuntzak erabili behar dituzten langileei bideratuta baitaude.

Ikastaro erdipresentzialak Nafarroako administrazio publikoetako langile guztiei bideratuta daude, irakasleak alde batera utzita. Astero ikastaro saio bat, lan pertsonala internet bidez eta ikastaroko materiala on line konbinatzen dira. Iruñean ingeleseko, frantseseko eta alemaneko ikastaroak eskaintzen dira, eta Lizarran eta Tuteran, ingelesekoak. Ikasle berriek, nahitaez, maila egiaztatzeko ahozko eta idatzizko probak egin behar dituzte, azaroaren 15a eta 19a bitartean.

Ikastaro estentsibo presentzialei dagokienez, ikastaroen %80ra joan behar da programa betetzeko. Sartzeko probak, ahozkoak eta idatzizkoak, azaroaren 19tik abenduaren 17ra egingo dira. Urte osoko ikastaroen eskolak urtarrilaren 31n hasiko dira.