Nafarroa izan zen iaz ikerketan eta garapenean inbertsio gehien egin zituen autonomia-erkidegoa, gaur goizean Estatistikako Institutu Nazionalak argitaratutako datuen arabera. Nafarroak BPGd-ren baliokidearen %2,13ko gastua bideratu zuen I+Gra, eta modu horretan, Madrilen eta Euskal Autonomia Erkidegoaren aurretik kokatu zen, horiek %2,06 gastatu baitzuten. Nazioan, gastuak iaz %0,8 behera egin zuen, eta 14.582 milioi eurokoa da.

Era berean, Foru Komunitatean I+Gn egindako gastuak 2008. urtearekin alderatuz hazkunderik handiena izan zuen, %8,2.

José María Roig Aldasoro Berrikuntza, Enpresa eta Lan kontseilariak, Begoña Urien Enpresa zuzendari nagusia alboan zuela, prentsaurrekoa egin du

Era berean, kontseilariaren esanetan, hazkundea sektore guztietan gertatu da: enpresa gastua; sektore publikoaren gastua, Energia Berriztagarrien Zentro Nazionala (CENER) barnean hartuta; goi hezkuntzako gastua, baita sektore horretan lan egiten duen pertsona kopuruan egindakoa ere.

Horrez gain, Roigek azpimarratu duenez, Nafarroan, manufaktura-enpresek I+G+b-n egindako gastua goi teknologiako zerbitzu enpresena baino handiagoa da, baina nazioan gastu hori gutxi gorabehera orekatuta dago.

Roigen esanetan, horrek guztiak "erakusten du Plan Teknilogikoan ezarritako neurriek funtzionatu egiten dutela". Berrikuntzan eta garapenean aritzen diren nafar guztiak zoriondu ditu, baita egoera hau eragin duten enpresa publiko eta pribatu guztiak ere.