Begoña Sanzberro Iturriria Landa Garapeneko eta Ingurumeneko kontseilariak gaur goizean Departamentuaren egoitzan, Iruñean, egin den Tokiko Agenda 21eko Ebaluazio Agintarien X. Foroa itxi du. Itxiera ekitaldian Sanzberrok tokiko garapen jasangarriaren eginera onen seigarren edizioko sariak eta garaikurrak eman ditu. Horien bidez, hiru praktikarik onenak saritu dituzte eta, gainera, zazpi aipamen berezi egin dituzte.

Sanzberro kontseilariak azaldu duenez, bi urterik behin egiten den ekitaldi honen xedea da "Nafarroako gizarteak tokian-tokian lortutako jasangarritasun lorpenen inguruan kontzientziatzea bizi baldintzak hobetzeko, garapen jasangarriaren ikuspuntutik". Aurtengo sariak hiru proiektu hauek lortu dituzte: Ultzamako Udalak (berogailuaren eta etxeko ur beroaren sistema zentralizatua biomasarekin eta Ultzama ibarreko mindetatik biogasa lortzeko sistema); Antsoaingo Udalak (garapen jasangarriaren udal plana Antsoainen), eta Izarbeibar Mankomunitateak (Izarbeibarren egindako inausketen hondarrak eta materia organikoa bildu eta aprobetxatzeko programa).

Sari bakoitzak 6.000 euroko zuzkidura du. Horrez gain, zazpi aipamen berezi egin dituzte, eta horiei garaikurrak eman dizkiete. Horrez gain,

Bestalde, Tokiko Agenda 21eko Ebaluazio Agintarien X. Foroa gaur goizean Andrés Eciolaza Carballo Nafarroako Gobernuko Ingurumen eta Ur zuzendari nagusiak inauguratu du. Jarraian Nafarroako udalerriek egindako proiektuen edo ekintzen urteroko ebaluazioa egin da, eta hamarkada honetan eginera on moduan har daitezkeen edo hartu diren proiektu edo ekintzen hautaketa egin da. Horrez gain, goizean NELS sareak abian dituen lanak berrikusi eta izandako lorpenak eta aurkitutako erronkak aztertu dira, toki esparruan, ekintza planak gaurkotuz eta helburuak, xedeak eta epeak ezarriz. Gogoan izan behar da

Amaitzeko, foroaren hamargarren edizio hau ixteko eztabaida-mahaia egin da hurrengo hauen inguruan: berne komunikazioen eginkizuna, zeharkakotasuna, banatu beharreko bitartekoak eta eginkizunen esleipena Nafarroaren toki kudeaketan. Moderazio lanetan landa garapen jasangarriko espainiar sareen Sareko idazkaritza teknikoa aritu da.