Begoña Sanzberro Iturriria Landa Garapeneko eta Ingurumeneko kontseilariak 136.924 euroko txekea eman die gaur Baztango eta Erroko Udalei 2008. eta 2009. urteetan Quinto Realgo larreak aprobetxatzeko kanonarengatik.

Ekitaldian Virginia Alemán Arrastio Baztango alkatea eta Kintoa-Quinto Real Basoen Mankomunitateko presidentea eta Enrique Garralda Erro Erroko alkatea egon dira. Bi udalek osatzen dute mankomunitate hori. Ekitaldian Jesús María Echeverría Landa Garapeneko zuzendari nagusia ere egon da.

Quinto Realgo iparraldeko isurialdeko larreak Frantziako Baigorri ibarrak aprobetxatzeko aipatu kanona 1856ko Mugen Nazioarteko Itunetik dator. Hain zuzen ere, Itun horretan Espainiaren eta Frantziaren arteko mugak ezarri ziren eta aprobetxamendu batzuk eta larreen partzuergo batzuk arautu ziren ezarritako mugaren zenbait puntutan, Aldude mendia barne hartuta. Modu horretan, itun hori dela bide, Frantziako Baigorri herriko biztanleek eskubidea dute abereak larre horietan izateko, urtean errrentamendu kanon bat ordainduta. Hain zuzen ere, 1856an kanon hori 30.400 kobrezko txanponekoa zen.