Gaurko bileran, Nafarroako Gobernuak 48.312.045 euroko gastua onartu du Nafarroako Unibertsitate Publikoko (NUP) irakasle eta ikertzaileen eta administrazio eta zerbitzuetako langileen gastuetarako, 2011ko ekitaldirako.

Zehazki, 28.393.749 euro izango dira irakasle eta ikertzaileentzat, 13.949.270 euro administrazioko eta zerbitzuetako langileentzat, eta 5.750.025 euro gizarte segurantzarako; horri gehitu behar zaizkio prestakuntzarako 109.000 euroko partida bat eta aseguruetarako 110.000 euroko beste bat.

Gainera, Nafarroako Gobernuaren akordioaren arabera, Nafarroako Unibertsitate Publikoak barne langileak kontratatzeko prozeduretan bermatuko du kargua hartzerakoan plaza guztiak amortizatzea, Irakasleen Errektoreordetzaren 2010eko azaroaren 30eko txostenean proposatu bezala.

NUPak 2011n sortzea edo aldatzea aurreikusitako lanpostuei dagokienez, daude, batetik, katedradun lanpostu bat Tuterako campusean; eta bestetik, langileak aldatzeko, finkatzeko edo sustatzeko 44 lanpostu, irakaskuntza ibilbidearen garapenari lotuak. Azken horietatik 9 dira katedradun izatea aurreikusi duten irakasle titularrenak, 10 titular bihurtuko diren kontratudun irakasle doktoreenak, eta beste 10 kontratudun bihurtuko diren doktore laguntzaileenak.

Nafarroako Unibertsitate Publikoaren Gizarte Kontseiluari buruzko uztailaren 2ko 15/2008 Foru Legearen arabera, Unibertsitateak aurrekontuarekin eta egikaritze arauekin batera langileen kostuari buruzko aldeko txostena aurkeztu behar du; txosten hori Nafarroako Gobernuan unibertsitate alorrean eskumena duen departamentuak egin behar du.

Horrez gain, abenduaren 21eko Unibertsitateen Lege Organikoak (6/2001) dio irakasleen, ikertzaileen eta administrazioko eta zerbitzuetako langileen kostuak autonomia erkidegoko gobernuak baimendu behar dituela