Nafarroako Gobernuak onetsitako akordio baten bidez, Murchanten uraren goi-hornidurarako proiektu baten garapenak ukitutako ondasunen eta eskubideen okupazioa presakoa dela adierazi dute, nahitaezko dejabetzapenaren ondoreetarako. Hain zuzen ere, proiektua Aguas del Moncayo Mankomunitateak sustatu du.

Murchanteko uraren goi-hornidurako adarraren proiektua azpiegituren planera bildu zen. Aurreikusitako inbertsioa 1,2 milioi eurokoa da eta Toki Administrazio Departamentuak 835.333 euroko ekarpena egingo du. Jardun horretan, Tulebrasetik hurbil hasita, La Dehesa edateko uraren tratamendurako estaziotik datorren Moncayoko hodi orokorra Murchanteko deposituraino iristen den hodiarekin konektatuko da.

Besteak beste, lanen barruan hodien 5,1 km jarri behar dira, hiru errepide zeharkatu behar dira eta Uguetako depositutik behe tentsioko hargune elektrikoa egin behar da.