Bigarren lehendakariorde eta Ekonomia eta Ogasun kontseilaria, Alvaro Miranda Simavilla, Angolako Inbertsio Pribatuaren Agentziako Nazioarteko Harremanetarako Kabineteko zuzendariaren, Antonio Pratarekin, bildu da. Izan ere, Angolako Gobernuko ordezkaria foru erkidegora etorri da, Angola inbertsioak egiteko herrialde gisa sustatzera.

Bileran, Antonio Pratak Angolako egoera sozioekonomikoaren berri eman dio Miranda lehendakariordeari. Azaldu dio, baita ere, industrializazio eta dibertsifikazio estrategia bat eraman nahi dutela aurrera herrialdean, datozen urteetan, batik bat sektore hauetan: energia berriztagarriak, nekazaritza industriaren garapena, uraren eta hondakin tratamendua eta katastroko datuen gestioa.

Nafarroan egon den denboran, Prata hainbat enpresa publiko eta pribatuetara joan da, haien jarduera Angolan inplementatzeko aukerak aztertzera; horretarako, enpresek inbertsioak egin ditzakete eta azpiegitura lizitazioetan parte har dezakete.

Antonio Pratarekin eginda bilerara bertaratu ziren, baita ere, Nazioarteko Garapeneko eta Politika eta Sustapen Ekonomikoko zuzendari nagusiak, Juan Franco Pueyo eta Cernin Martínez Yoldi, hurrenez hurren; eta Eduardo Sanzol eta Rafael Alli, Naxan aholkularitza enpresaren ordezkari gisa. Naxanek koordinatu du Angolako Inbertsio Pribatuaren Agentzia Nazionaleko Nazioarteko Harremanetarako Kabineteko zuzendariaren bisita; izan ere, enpresen jarduerak azaleratze bidean dagoen ekonomiadun herrialdeetara (batik bat Afrikara) eramateko zerbitzu integralak eskaintzen ditu