Miguel Sanz Sesma Nafarroako Lehendakariak

Sanz Lehendakariak gobernu autonomikoen eginkizuna defendatu du, horiek baitira herritarrei zerbitzu "oinarrizko eta unibertsalak" ematen dizkietenak. Hori dela eta, gobernu autonomikoek "finantzazio handiagoa behar dute, sektore batzuetan, hala nola hezkuntzan eta osasunean, ezin baita atzera egin".

Aurrezki-kutxek Basilea IIIn adostutakoa bete ahal izateko birkapitalizazio beharrari dagokionez, Sanzek "berezko bitartekoak kalitateari eta kantitateari dagokionez handitzeko beharra defendatu du, kaudimena handitzeko eta higiezinen sektorearen beherakadaren ondorioz pilatzen duten berankortasuna gutxitzeko". Horrez gain, Sanzen esanetan, birkapitalizazio horretarako "finantza merkatuak agertoki egokia dira".

Hala ere, Miguel Sanzek kritikatu egin du aurrezki-kutxak krisiaren eragile moduan "kriminalizatzeko" egin den ahalegina: "higiezinen burbuila ez da zartatu kutxengatik, alderantziz baino, kutxak subjektu pasibo negatiboak eta zartada jasan dutenak izan dira", azaldu du Lehendakariak. Horrez gain, kutxek azken urteetan gizate ekintzaren bidez garatutako lana defendatu du, hainbat arlotan, hala nola, mendekotasuna, ikerketa eta ondare historiko-artistikoa. "Gizarte ekintzaren %30 horri esker gizartea hobetu egin da, eta hori ez litzateke gertatuko sozietate anonimoen aurrean egonez gero, horietan dirua akziodunen poltsikora joango litzateke eta", gehitu du Nafarroako Lehendakariak.