Erakundeekiko Harremanetarako kontseilari eta Gobernuaren eledun Alberto Catalan Higuerasek esan du "paper bat aurkeztuta ETA-Batasuna ez dela ETAgandik urruntzen, lehengo berberak direla".

Catalanek Gobernuak gaurko ohiko bileran jorratutako gaiak aztertzeko eman duen prentsaurrekoan esan du hori, ezker abertzalearen alderdi berriaren estatutuen aurkezpenaz galdetu diotenean.

Kontseilari eledunak adierazi du "agerikoa" dela ETAk ez dituela armak eman eta ez diela atentatu terroristei uko egin; "barkamena ere ez du eskatu".

Horregatik -ondorioztatu du kontseilariak-, "hori guztia aldatzen ez den bitartean, ETA-Batasunak ez gaitu engainatu behar, eta demokratek eta, batez ere, erakundeek eta gizarteak, ez du sinetsi behar datozen udal eta foru hauteskundeetan parte hartzeko antolatu eta diseinatu duten estrategia hori".