Miguel Sanz Nafarroako Lehendakariak eta Alberto Catalán Erakundeekiko Harremanetarako kontseilariak eta Gobernuaren eledunak Parlamentu Autonomikoetako Lehendakarien Konferentziako (COPREPA) kideak hartu dituzte gaur Foru Gobernuaren egoitzan. Konferentzia martxoaren 6tik 8ra bilera egiten ari da Nafarroan.

Estatu ereduari buruzko eztabaidari aipamen eginez, Sanz Lehendakariaren arabera "batzuek krisi ekonomikoaren ur zikinak aprobetxatu nahi izan dituzte estatu autonomikoa iraintzeko, autonomia-erkidegoak kudeaketari dagokionez administrazio xahutzaileak eta eragingabeak direla esanez".

Horren aurrean, Sanz Lehendakariaren esanetan, "hemen gauden autonomia-erkidegoetako arduradun guztiak elkartu behar gara niretzat eredu egokia dena defendatzeko". "Autonomien Estaturik gabe ezinezkoa izango litzateke gure herrialdeak azkenaldian izan duen garapena lortzea", esan du.

Modu horretan, Sanz Lehendakariak defendatu du sistema autonomikoa "hobegarria" den arren, hobetzen jarraitzeko "ezinbestekoa" dela.

Harrera Nafarroako Jauregiko Tronu Aretoan eskaini da. Harrera horretara hainbat agintari hurreratu dira: Elena Torres Nafarroako Parlamentuko lehendakaria, Elma Sáiz Gobernuak Foru Komunitatean duden ordezkaria, eta hurrengo hauetako organo legegileetako lehendakariak: Arantza Quiroga EAEkoa; Pilar Rojo Galiziakoa; Fuensanta Coves Andaluziakoa; María Jesús Álvarez Asturiasekoa; Miguel Ángel Palacio Kantabriakoa; José Ignacio Ceniceros Errioxakoa; Francisco Celdrán Murtziakoa; María Milagrosa Martínez Valentziako Erkidegokoa; Francisco José Pardo Gaztela-Mantxakoa; Antonio Castro Kanarietakoa; Juan Ramón Ferreira Extremadurakoa; Aina Rado Balearretakoa; Elvira Rodríguez Madrilekoa; eta José Manuel Fernández Gaztela eta Leongoa.

COPREPAko kidea izatea borondatezkoa da eta parlamentu autonomikoetako lehendakari guztiek horretarako eskubidea dute; izatez, guztiak dira kideak.