Amelia Salanueva Murguialday Toki Administrazioko kontseilariak Ziordia bisitatu du gaur kale batzuetan zoladura hobetzeko egindako lanak inauguratzeko. Lanetan 325.000 euroko inbertsioa egin da, eta kopuru horretatik Nafarroako Gobernuak 161.886 euro eman ditu. Salanuevak alboan izan ditu Pedro Pegenaute Garde Departamentuko zuzendari nagusia eta Udaleko ordezkariak.

Zaharberritze lanak Santa María kalean, Tejería kalean eta Nuestra Señora de los Milagros ermitara doan kalean egin dira. Lehenengo biak Ziordiako kale nagusiak dira, eta jardun honen bidez, bide horiek oro har hobetzeko lanak amaitu dira. Izan ere, aurretik gas, telefono, argiteria, etab. instalazioak kanalizatu ziren. Orain egindako proiektuaren bidez, inguru batean asfaltozko zoladura berritu da eta bestean zoladura berritu da hormigoizko zolarriaren bidez.

Lana Toki Inbertsioen 2009-2012 Planaren barruan egin da. Plan horretan, Ziordiari 54.447 euro egokitu zitzaizkion askatasunez zehazteko kopuruari lotuta. Zenbateko hori inbertsioen plan honetan sartu zen udalek eta kontzejuek zenbateko hori zertara bideratu erabaki zezaten. Ziordiak kopuru hori gaur inauguratutako hobekuntzetan ere erabili du.