- Mendaur bildumaren barruan zortzigarren zenbakia argitaratu da, Sakanako Euskara. Burundako hizkera izenburupean. Lanaren egilea Koldo Zuazo da. Bederatzigarren zenbakia prestatzen hasi dira, Perpetua Saraguetari buruz. Lana Andrés Iñigok egingo du. Bederatzigarren alea aurten argitaratuko da.

- Terminologia juridiko administratiboari buruzko jardunaldiak euskaraz (martxoan egin dira). Hitzaldi gehienak Euskarabidearen web orrian daude.

- Euskararen corpus onomastikoari buruzko lanak.

- Nafarroako euskararen material grafikoei buruzko katalogazio, eskuratze eta ikerketa lanak: Elkartasuna aldizkariko testuak digitalizatzea. Bestalde, Euskaltzaindiak funts bibliografikoen katalogazio datuak eman ditu, eta Nafarroako Euskararen Liburutegiak horietara sarbidea izango du.

Iaz egin eta aurten jarraipena izango duten eginkizunez gain, 2011ko ekitaldi honetan lan hauek aurreikusi dira:

- Euskaldunon Egunkariak argitaratutako Nafarkaria gehigarriaren digitalizazioa.

- Lizarraga Elkanokoa proiektua abian jartzea. Proiektu honen bidez Joakin Lizarragaren literatura-ekoizpeneko lexikoa aztertu nahi da.

Hitzarmena betetzea bermatzeko organo parekideak bi dira: jarraipen batzordea (zuzendaria) eta lanerako batzorde teknikoa.

Nafarroako Gobernua Akademiarekin lankidetzan ari da 1919. urtetik, Nafarroako Foru Diputazioa sortzaileetako bat izan zen eta. 2002tik, bi erakundeek bi aldeko hitzarmenak sinatzen dituzte Euskaltzaindiak Foru Komunitateko euskarari lotuta egiten dituen jardueren finantzaketa publikoa ahalbidetzeko.