Plan berriak hirugarrenaren (2011ko abendura arte izango da indarrean) premisak ditu oinarri eta funtsezko egitekoa ondorengo faktoreetan oinarrituz handitzen du:

-Berrikuntzaren jatorria ezagutza zientifikoan eta teknologikoan dago, baina kontzeptuala, soziala edo diseinuzkoa ere izan daiteke eta zerbitzuetara, markak ezartzera, industria sortzaile eta kulturaletara edo industria-ereduetara biderat.

-Gizartea berrikuntzaren eragile aktiboa da eskariak egin eta produktu eta zerbitzu berriak erabiltzen dituelako, horien sorreran parte hartzen duelako eta ezagutza zientifikoa, teknologikoa eta enpresena eskatzen duten erronka berriak mahaigaineratzen dituelako.

-Berrikuntzen jatorria pertsonetan dago, hortaz, Nafarroan alor hori haz dadin herritarrek ere berritzaileak izan behar dute.

-Berrikuntzarik emateko mota guztietako agenteek elkarri eragin diezaieketen eta behar dioten egoera lortu behar da.

-Berrikuntza sistema konplexua da eta diziplina aniztasuna, internazionalizazioa, sektoreen hibridazioa, sektore publikoaren eta probatuaren lankidetza, finantzazio berritzailea eta eskariaren sofistikazioa eragiten ditu.

-I+G+Bren eskualdekako plangintzaren eraginaren jarraipena eta ebaluazioa hobetu behar ditugu eta aurreko plan teknologikoetako jarduera batzuk doitu.

Nafarroako IV. Plan Teknologikoaren helburuak

IV. Plan Teknologikoaren helburu nagusia Nafarroan berrikuntza irekiko egoera sortzea da, agente guztientzako onurak dituzten berrikuntzaren sare globaletan sartuta dagoena. Enpresako zuzendari nagusiaren ustez, "helburua eskualdeko ekonomiaren garapen orekatua eta jasangarria sustatzea da, lurraldea, enpresen neurria eta sektoreak kontuan hartuz, berrikuntza irekia erraztea inguru globalean, eskualdeko lehiakortasunaren alde egitea zientzia eta berrikuntza gizarteratzea sustatuz eta Nafarroako sistema Europan eta munduan barne hartzea".

Bestalde, berrikuntza irekiaren sistema horrek Nafarroan 5 ardatz izango dituela oinarri ere jakinarazi du Rafael Muguerza Informazioaren Gizartearen eta Berrikuntzaren Zerbitzuaren zuzendariak:

-Nazioarteko I+G+B maila handikoa eta merkatura bideratua

-Oinarri Teknologikoko Enpresa Berritzaileei balioa ematea eta sortzea.

-I+G+B enpresen lehiakortasunerako tresna gisa erabiltzea.

-Zerbitzu eta produktu berrien erabilera gizartera zabaltzea

-Administrazio berritzailea

Ardatz horiek garatzeko 16 tresna diseinatu dira, horiek burutzeko helburu eta adierazleak dituztenak (enpresa gelak, proiektu integratuak, erakusteko proiektuak edo erosketa publikoa).

Jasotako iradokizun eta ekarpenen bidez bigarren agiri bat idatziko da eta datorren apirilaren 20an gizarteak ikusi ahal izango du iritzi berriak bildu ahal izateko. Nafarroako Gobernuak maiatzaren erdialdera plana onestea aurreikusi da.