Amelia Salanueva Murguialday Nafarroako Gobernuko Toki Administrazioko kontseilariak Espainiako Gobernuari gaur galdatu dio Konstituzio Auzitegiari eskatzeko toki entitateei oinarrizko azpiegituretan inbertsioak egiteko zorpetzea baimentzen dien arauaren kautelazko etenaldia ken dezan. Etenaldia Auzitegiak adostu zuen José Luis Rodríguez Zapatero presidenteak arauaren kontra jarritako konstituzioaurkakotasun-errekurtsoari erantzunez.

Salanueva kontseilariak esan duenez, Nafarroako toki entitateek abian jarritako inbertsioen kautelazko etenaldiak "segurtasunik eza juridikoa" eragiten du, enplegua sortzeari kalte egiten dio eta herritarrentzat "oinarrizko azpiegiturak" sortzea "arriskuan jartzen du". "Hori ez da defizita murrizteko bidea. Erabaki horrek ondorio garrantzitsu eta desatseginak ekarriko ditu", esan du kontseilariak.

Salanuevak Foru Komunitateko toki entitateen "egoera saneatua" eta Toki Administrazioko departamentuak horien bideragarritasuna egiaztatu ondoren baimendu dituen inbertsioei aurre egiteko gaitasuna defendatu du. Kontseilariaren ustez, horrek lekuz kanpo uzten du Espainiako Gobernuak ekainaren 11ko 12/2010 Foru Legearen 8.2. artikuluaren aurka planteatutako konstituzioaurkakotasun-errekurtsoa. Hain zuzen ere, Foru Lege horren bidez defizit publikoa murrizteko aparteko neurriak Nafarroako Foru Komunitatera egokitu ziren.

Joan den

Etenaldia Konstituzio Auzitegiak berretsi edo bertan behera utzi dezake gehienez ere bost hilabeteko epean. Nafarroako Parlamentuak onetsitako neurria etenda dagoen bitartean, maiatzaren 20ko 8/2010 Errege Lege Dekretuaren 14. artikulua aplikatzen da. Hori dela bide, aparteko neurriak hartzen dira defizit publikoa murrizteko, eta horren arabera, toki entitateek 2011n eskuratu ditzaketen kredituen mugak ezartzen dira.