Hezkuntza Departamentuak aurten 1.027.459 euro bideratuko ditu Altsasun, Arbizun, Ezkarozen, Lerinen eta San Adriánen 0 eta 3 urte bitarteko zentroak eraikitzeko.

Zenbateko horretatik 414.634 euro San Adriángo Udalari emango zaizkio. Udalerri horretan bost unitateko zentro bat eraikitzen ari dira, eta aurreikuspenen arabera, datorren irailean irekiko ditu ateak.

281.065 euro Arbizuko Udalari emango zaizkio, herrian sei unitateko haur-eskola eraikitzeko. Lanak ezarritako epeen arabera garatzen ari dira. Hori dela eta, aurreikuspenen arabera, zentroak irailean irekiko ditu ateak.

Altsasuko Udalak 203.065 euro jasoko ditu zortzi unitateko zentroa eraikitzeko, eta Leringo Udalak, 85.476 euro. Azken eraikin hori, hiru unitatekoa, irekita dago gaur egun.

Amaitzeko, Ezkarozeko Udalari 43.217 euro emango zaizkio bi unitateko zentroa eraikitzeko. Lanak aurreratuta daude. Aurreikuspenen arabera, ikastetxeak 2011ko irailean irekiko ditu ateak.

Hezkuntza Departamentuak udalek sustatutako 0 eta 3 urte bitarteko zentroen eraikuntza diruz laguntzen du, gehienez diruz laguntzeko moduko aurrekontuaren %65 emanez (gehienez %95 Ezkarozeren kasuan, Piriniotako Garapen Planaren barruan baitago).

Laguntza horiek zenbait urtetan zatitu eta ematen dira. Lerinek eta Ezkarozek diru-laguntzaren %100 jaso dute, 97.091 eta 365.074 euro hurrenez hurren; Arbizuk eta San Adríanek %55,14 jaso dute, hau da, 358.400 eta 528.721 euro hurrenez hurren; eta Altsasuk %25 jaso du, hau da, 203.065 euro.