Gaur goizeko ekitaldian, ikastetxe hauek parte hartu dute: Larraona ikastetxeak eta BHI Zizur. Nesken hezkuntzaren garrantziari buruzko ipuina irakurri dute, gaztelaniaz eta euskaraz, hurrenez hurren; San Cernin ikastetxeak, txotxongilo saioa egin duena, neskek eskolara joateko dituzten arazoei buruz, eta San Ignacio ikastetxeak, hezkuntzara sartzeko arazo horiek konpontzeko eskaerak irakurri dituena.

Ondoren, Itxaropen gune elkarteko ordezkari batek testu laburra irakurri du eta Margarita Leoz eta Maite Pérez Larumbe idazleek ipuin bana. Azkenik, Astearen manifestua irakurri dute.

Alboan erakundeaz gain, Nafarroako Hezkuntzaren aldeko Munduko Ekintza Asteko jardueretan erakunde hauek ere parte hartuko dute: FISC Fundación Compañía de María, Federación Española de Religiosos de Enseñanza (FERE-Ceca), UGTre`n Instituto Sindical de Cooperación al Desarrollo, Ayuda en Acción eta Tuterako UNED.

Nesken hezkuntza bultzatu beharraren erakusgarri dira Alboan GKEk emandako datu eta argudio hauek:

· Estatistiken arabera, amek irakurtzen eta idazten badakite haien seme-alabek % 50 aukera gehiago dute 5 urte bete gero bizirik irauteko, eta emakume batek beste batek baino urtebete gehiago eman badu hezkuntzan haren seme-alabek bizitzaren lehen urteetan hiltzeko aukera gutxiago izango dituztela. Horrez gain, emakumeak haien komunitateen prestakuntzaz arduratzen badira, beren bizitzak hobeto kontrolatzeko gai dira ikasketak baldin badituzte.

· Alfabetatu gabe dauden mundu osoko 759 milioi helduen artean, bi herenak emakumeak dira.

· Eskolatu gabe dauden mundu osoko 69 milioi neska-mutilen artean, % 54 neskak dira.

· Eskolara joaten diren neskek autoestimu handiagoa dute eta indarkeria jasateko eta ustiatuak izateko aukera gutxiago dituzte.

· Neskak hezteak eta genero-desberdintasuna murrizteak demokrazia sustatzen du.