Nafarroako Gobernuak, Nafarroako Enplegu Zerbitzuaren bidez, hitzarmena sinatu du oraintsu UAGN, UGT eta CCOO sindikatuekin nekazaritza-enplegua gultzatzeko programak egin ahal izateko. Foru Gobernuaren inbertsioa 399.000 eurotik gorakoa da.

Programa horien bidez kontratazioetan izapideak bizkortzeko eta enplegu-eskaeraren eta –eskaintzaren artean bitartekaritza azkar eta eraginkorra lortzeko ekintzak garatu nahi dira. Horretarako, hainbat ekintza egiten dira, hala nola nekazaritza-enpleguaren arloko beharrizanak biltzea eta horiei aurre egiteko lan-poltsa sortzea, sasoikako langileei prestakuntza berezia ematea, nekazariei eta langileei lan arloko araudiari buruzko informazioa emateko sistema ezartzea, iruzurrezko bitartekaritza ezabatzea eta nekazaritzako eta nekazaritzako elikagaien arloko enplegu-zikloak sortzea, hainbat kanpaina elkarrekin lortu ahal izateko.

Hitzarmena sinatzeko ekitaldian hurrengo hauek parte hartu zuten: José María Roig Aldasoro Berrikuntza, Enpresa eta Enplegu kontseilariak; José Luis Ruiz Ciruelos Nafarroako Enplegu Zerbitzuko zuzendari kudeatzaileak; eta diruz lagundutako entitateetako ordezkariek: Félix Bariáin Zaratiegui Unión de Agricultores y Ganaderos de Navarra sindikatuko presidenteak; Juan Goyen UGTko idazkari nagusiak eta José María Molinero CCOOkoak.