Jurisdikzioaren aldetik, prozedura penalak izan ziren iaz berriz ere aurkeztutako eskaeren erdia baino gehiago (% 59) eta prozedura zibilen eta familiari loturikoen eskariak ia bikoiztu egin zituzten (kasuen % 32). Administrazioarekiko auzien alorreko gatazken ondorioz eskaeren % 4 burutu ziren, prozedura zibilekoak % 3 eta atzerritartasun kasuen ingurukoak % 2.

Jurisdikzio guztietan beherakada txiki bat eman da, prozedura zibileko eta familiari loturiko espedienteetan izan ezik. Azken horien igoera egoera ekonomikoagatik izan da, laguntza juridikorako eskaeretako batzuk hipoteken zenbatekoei eta ordainketei loturiko erreklamazioak aurkezteko izan zirelako. Azpimarratzekoa da jurisdikzio penalak lehen aldiz beherako joera izan duela, % 10,5 murriztu da espedienteen kopurua. Halere, beherakadarik handiena atzerritartasun alorrean izan da; eskaerak % 30,5 murriztu dira.

Batzorde ebaluatzailea

Zerbitzuak zaintza sistema iraunkorra ere badu eta baliabidea eguneko 24 orduetan balia daiteke. Atxilotuta edo preso daudenek abokatu laguntza jasotzen dute, abokatuen defentsa eta ofiziozko txandako prokuradore baten bidezko ordezkaritza, ikuskatzeak eta funtzionamendu gastuak. Eskaera gehienez Iruñeko Abokatuen Elkargoak arduratzen da (2010ean erregistraturikoen % 69); horren atzetik Tuterako (% 17),  Lizarrako (% 8) eta Tafallako (% 6) elkargoak, prokuradoreen elkargoekin elkarlanean.

Doako laguntza juridikoaren eskaerak batzorde batek ebaluatzen ditu eta batzordea hauek osatzen dute: fiskaltzak, abokatuen eta prokuradoreen elkargoek eta Nafarroako Gobernuko teknikariek. Eskatzaileen diru-sarrerak eta kargak hartzen dituzte aintzat.  Batzordeak eskatzailearen eskariak auzitegietan aurrera egingo duen ala ez aztertzen dute, hau da, kasua galduko den ala ez, kasuaren ebazpena beste eskaera batzuekin bat datorren ala ez edo auzian ausarkeria dagoen ala ez.

Oro har, laguntza hori eskuratu ahal izango dute familia-unitatearen urteko diru sarrerak Eragin Anitzeko Errenta Adierazle Publikoaren (IPREM) bikoitza baino txikiagoak dituzten pertsona fisikoek. Laguntzak zerbitzuaren % 80 edo % 100 izan daitezke, diru sarreren arabera. Salbuespen kasuetan (familiako baldintzen arabera, seme-alaba kopurua, osasun egoera, e.a.), doako laguntza juridikoa jaso ahal izango dute IPREMen laukoitza baino txikiagoa den errenta dutenek. Nafarroako Gobernuak inolako diru sarrerarik ez dutenei ere laguntzen die (batez ere etorkinei eta espetxeetan direnei).