Basoko suteak prebenitzeko 2011ko neguko kanpainan (urteko lehen hiruhilekoa) baso- eta nekazaritza-lurzoruen 197,59 hektarea erre dira Nafarroan izandako 274 suteetan. Erretako azalera %20 murriztu da 2010. urtearekin alderatuta (243,59 hektarea), edizio honetan 45 sute gehiago egon diren arren (2010ean 229 egon ziren).

Urteko lehen hiruhilekoan erretako 197,59 hektarea horietatik 20,11 hektareatan zuhaitzak zeuden (aurreko urteko aldi berean 15,65 izan ziren); 151,85 hektareatan ez zegoen zuhaitzik (203,07 2010ean) eta erretako nekazaritza-azalera 25,63 hektarekoa izan da, iazko antzera (24,87 hektarea).

Hilabeteen arabera, suteen kopururik handiena otsailean egon zen, 123, eta 94,93 hektarea erre ziren. Urtarrilean 72 sute piztu eta 27,53 hektarea erre ziren, eta martxoan 79 sute eta 74,13 hektarea izan ziren.

Martxoan erre da zuhaizti gehien (14,60 hektarea). Otsailean 5,5 izan ziren, eta urtarrilean oso gutxi (0,01 hektarea). Aitzitik, otsailean nekazaritza-lurzoruaren 13,78 hektarea erre ziren, urtarrilean 7,56 hektarea eta otsailean 4,29. Zuhaitzik gabeko baso-lurzoruari dagokionez, urtarrilean 19,96 hektarea erre ziren, otsailean 75,65 eta martxoan 56,24.