Laura Alba Cuadrado Herri Lan, Garraio eta Komunikazio kontseilariak, Juan Ramón Corpas Mauleón Kultura eta Turismo kontseilariak, Miguel José Reta Elizari Noaingo alkateak eta Santos Sanz Aparicio Autovía del Pirineo SA sozietateko zuzendari nagusiak hitzarmena sinatu dute gaur goizean. Horren bidez, Pirinioetako Autobia eraikitzeari lotutako kultura izaerako jardunak ezarri dira. Hitzarmenaren bidez, Noaingo Akueduktuan argiak jartzeko lanak arautuko dira. Lanak 300.000 eurorekin finantzatuko dira eta Noaingo Udalak-Elortzibarrek gauzatuko ditu.

A-21 Pirinioetako Autobia eraiki eta ustiatzeko lan publikoen emakida-kontratuaren 66. klausulan ezarritakoaren arabera, Autovía del Pirineo, SA sozietate emakidadunak "Autobiaren inguruan kultura-lanak eta/edo apaindura- eta arte-osagaiak finantzatu beharko ditu, 1.099.043,84 euroren truke".

Zenbateko horrekin, Noaingo akueduktua argiztatzeaz gain, Eslabako Santa Criz erromatar hiriko indusketa arkeologikoak finantzatu eta Irunberriko Las Cabras zubia zaharberrituko da.