Irudietan hurrengo hauek ikus daitezke: Villamayor de Monjardíneko iturri zaharra edo mairuena, Done Jakue Bideko erromesaldia, Ituren eta Zubietako inauterietako joaldunak, Leireko Monasterioa, Erriberriko Jauregia, Lokiz mendilerroa eta Allin, Errege Bardeak, Iruñeko Oblatas zubia, txupinazoa, yoga, entzierroa kaleetan eta aire-errotak.

Era berean, Nafarroako Foruen monumentua, Gares, Uxue, Baztan, Oteiza Fundazioa-Museoa, erromeriak, Nafarroako Unibertsitatearen campusa, Tutera, Pilón izeneko entzierroa Faltzesen, pilota, Arrotxapeako igogailua Iruñean, Nafarroako Parlamentua eta Foru Komunitatearen hiriburuko hirigune zaharrean dagoen osasun-zentroa agertzen dira.

Irudi bakoitzaren ondoan panel irregularra agertzen da, edukia azaltzen duen testu labur batekin. Testu hori irudian agertzen denarekin zuzenean lotutako profesionalek idatzi dute.

Erakusketa bi bideorekin osatzen da. Bata "Navarra, pasión por el rojo" da, eta bestea, 3D formatuan, San Fermin jaiei buruzkoa. Horrez gain, Foru Gobernuak argitaratutako liburuak daude, besteak beste, "Navarra, una invitación al futuro".

Erakusketa ibiltaria Iruñean egon zen lehenengo, eta ondoren, Tuteran, Bartzelonan eta Zaragozan egon da. Aurreikuspenen arabera, datozen hilabeteetan beste probintzia-hiriburu batzuk bisitatuko ditu, hala nola Burgos, Santander, Bilbo, Sevilla eta Madril, baita Nafarroako beste herri batzuk ere, besteak beste, Tafalla, Erriberri, Zangoza eta Lizarra.