Parlamenturako, kontzejuetarako eta udalerrietarako hauteskundeetan lortutako emaitzak ikusita, "alderdien ordua da, erantzukizunez, Estatua eta Komunitatea kontuan hartuta" jokatu behar dutelako, gobernu-itunak lortu ahal izateko.

Lehendakariaren ustez, "Gobernua lortzeak ez du esan nahi aulki bat, Lehendakaritza eta Gobernu Kontseilua eskuratzea bakarrik", izan ere "gobernatzeko aukera" izan behar da. Horretarako, egonkortasuna ematen duten akordioak nahitaezkoak dira.

"Ez da gobernura iritsi behar soilik, gobernatu egin behar da. Eta horretarako gobernu sendoa izan behar da, Parlamentuan gehiengo babesa duena, Estatua kontuan hartzen duena eta politikaren eta hauteskundeen ikuspuntutik zatituta dagoen gizartean akordioa lortzeko gaitasuna duena", esan du.

Lehendakariak adierazi duenez, alderdi politikoek datozen asteetan Foru Gobernua eratzeko lortzen dituzten akordioak "integratzaileak" izan behar dira, "herritarren eta Nafarroaren interes orokorrari mesede egin behar diote", eta Foru Komunitatea lurralde "berezitua" izatea bermatu behar dute, Foruaren Hobeagotzea eta Espainiako Konstituzioa oinarri hartuta. Hori dela eta, bere ustez, "konstituzionalisten arteko" akordioa lortu behar da.