Datu horren inguruan, Loreak esan du afiliazioen galerak behera egin duenez, urtebetean ia orekatu egin dela (% 0,17 egin du behera). Nafarroa daturik onenak dituen bigarren autonomia erkidegoa dela ere aipatu du, eta hori poztekoa dela, datu horrek Nafarroako okupazioa eta jardueraren eta ekonomiaren hobetzea esan nahi duelako.

Egin diren kontratuen kopurua aurreko hilekoa baino % 10 handiagoa izan da. Lehen bost urteetan metatu dena % 4,5 hazi da 2010eko garai berdinean metatu zenarekin alderatuta.

Sexuari erreparatuz gero, 22.687 emakume eta 20.085 gizon daude langabezian; aurreko hilabetearekin alderatuta, % 0,74 eta % 4,06 egin dute behera, hurrenez hurren. Adin taldeei dagokienez, 25 urtetik beherako 5.013 langabetu eta 25 urtetik gorako 37.759 langabetu daude; aurreko hilabetearekin alderatuta, % 1,78 eta % 2,40 egin duten behera, hurrenez hurren.

Enplegu agentzi guztietan egin du behera langabeziak. Agoitzen murriztu da gehien langabezia (% 6,02). Haren atzetik, Lodosan (% 4,87), Donezteben (%3,31), Tuteran (%2,65), Altsasun (% 2,22), Lizarran (% 2,02), Iruñean (% 1,98) eta Tafallan (% 1,79).

Oinarrizko sektoreen artean, eta aurreko hilearekin alderatuta, industriako (-% 3,98), eraikuntzako (-% 3,88), nekazaritzako (-% 3,37) eta zerbitzuetako (-% 1,77) langabeziaren beherakada azpimarratzekoak dira. Lehenago lanik izan ez dutenen sektorean bakarrik egin du gora langabeziak (% 0,92). Jarduera ekonomikoen azpisektoreetan, langabeziak behera egin du enpleguarekin loturiko jardueretan, eraikinen eraikuntzan, administrazio  publikoan, defentsan, derrigorrezko Gizarte Segurantzan, eraikuntza espezializatuko jardueretan eta janari eta edarien zerbitzuetan.

2010eko maiatzeko kopuruarekin alderatuta, 1.076 langabetu gehiago egon dira oraingoan; balio erlatiboetan adierazita, % 2,58.

Beste aldagai batzuk

Azken lau urteetan, lan merkatuak honako joera hau izan du maiatzean: 2008an Nafarroako langabetuak 681 gutxiago izan ziren, eta 2009an eta 2010ean 627 eta 676 langabetu gehiago, hurrenez hurren.