Gainera, beste neurri batzuk planteatzen dira: LHko ikasleentzat giltzarriak diren gaitasun eta jarrerak hobetzeko plan bat diseinatzea; enpresan espezialistak diren profesional gehiagok irakaskuntzan parte-hartzea; langileentzako etengabeko prestakuntza titulu berrien prestakuntza-unitateetatik abiatuta, gaitasuna egiaztatzeko prozedurarako prestakuntza osagarria eta ETIren gizarte-kontseilua sustatzea.

Halaber, LHko sisteman esku-hartzen duten solaskideen komunikazioa hobetzea proposatzen da (irakasleak, enpresak, eragile sozialak…), lan-munduratzeko mailen inguruan informazio-kanpaina bat egitea profil jakin batzuetan LH egiten duten ikasle-kopurua areagotzeko eta sektore-bilkuren antolaketa Erriberako zentro eta enpresetan. Plana garatzeko, instituzio eta tokiko erakunde nagusiek osatutako jarraipen-batzorde bat sortzea proposatzen da, halaber.

Ekintzak bat datoz Hezkuntza Departamentuak Nafarroan garatutako LHren ildo estrategikoekin eta enpresen prestakuntza-beharrei buruzko azterketan jasota dauden gomendioekin. Erriberaren kasuan azterketa hori Nafarroako Ganberak eta Erriberako Enpresarien Elkarteak egin du.

Iragan abenduaren 9an, Catalan kontseilaria Erriberako Enpresarien Elkarte, Nafarroako Merkataritza eta Industria Ganbera, inguruko Lan Hezkuntzako zentro eta Tutera nahiz Corellako Udaletako ordezkariekin bildu zen azterketa hau abian jartzeko. Helburua ekintzak proposatzea da prestakuntzako eskaintza enpresetako langileen prestakuntza-eskariari egokitu ahal izateko.

Proposatutako neurriekin, Hezkuntza Departamentuak bere estrategia-plana osatzen ari da Departamentuak eskainitako lan-heziketaren eta Nafarroako ingurune ezberdinetako ekoizpen-sarearen eskariaren arteko harremana hobeto ezagutzeko. Orain arte, Peraltan esku hartu du eta baita haren eragin-eremuan ere: Altsasun eta Lizarran. Bi kasu horietan ekintzak gauzatzeko fasean daude.