Castellano | Euskara | Français | English
Herritarren Arreta
Telefonoa: 948 012012
012*
Ordutegia: astelehenetik ostiralera, 8:00ak eta 19:00ak artean.
Helbide elektronikoa: navarra@navarra.es
* Deiaren balioa: 0,34 euro, iraupena edozein dela ere.
Ikusi egun honetako albiste gehiago
Gobernuak 1,6 milioi euro eman ditu zailtasun bereziak dituzten pertsonak lan merkatuan jartzeko
Nafarroako Gobernuak, gaurko saioan, 1.598.464 euroko diru-laguntza baimendu du Iruñeko Udalari emateko Gizarte Enplegu Babestua programa garatu dezan.
Programa horrek lan merkatuan sartzeko arazoak dituzten pertsonei lana eskaintzen die urtebetez, esate baterako, prestakuntza nahikorik ez duten gazte eta helduei, gutxiengo etnikoei, egoera ekonomiko larrian edo gizartean eta lan merkatuan sartzeko prozesuan direnei eta familia-zama duten emakumeei. Horrez gain, gizarteko eta laneko trebetasunekin loturiko prestakuntza ematen die programak.
Pertsona horiei enplegu gisa ematen dizkieten jarduerak hiriko bizi kalitatea hobetzeko izaten dira: espaloietako ertzak beheratzea ibilerraztasuna errazteko, baliabide ekonomiko gutxi duten adinduei etxebizitza birgaitzea, udalaren lokalak egokitzea eta hiriko altzariak konpontzea, besteak beste.
Albiste hau osorik izan nahi baduzu PDF artxibo batean sakatu hemen