Nafarroako Gobernuak, SODENA Nafarroako Garapen Sozietatearen bidez, eta Caja Navarrak lankidetza-hitzarmen bat sinatu dute gaur. Hitzarmen horren xedea da, sektore bioteknologikoan bi erakundeek identifikatu dituzten inbertsio-aukerak elkarrekin aztertu eta ikertzea; horrekin batera, enpresako ahaleginak eta sinergiak batzea, eta izan daitezkeen inbertsioak hauteman eta kudeatzeko prozesuari jarraipena ematea.

Akordioa sinatu dute, Berrikuntza, Enpresa eta Enpleguko jarduneko kontseilari eta SODENAko presidente Jose Mª Roig Aldasorok eta finantza-erakundeko ordezkari gisa, Caja Navarrako idazkari nagusi Alberto Pascualek.

Ekitaldian izan dira SODENAko Ekintzen Koordinazioko arduradun Mª Eugenia Lecumberri eta CANko Korporazio Operazioen zuzendari Javier Martínez Escudero.

Akordioaren oinarrizko helburua. sortu berri diren edo jada badiren enpresa bioteknologikoak bultzatzea da, Nafarroan kokatuko direnak. Horrek sektorean espezialistak erakartzea ekarriko du, bai eta Foru Erkidegoan sektorearen garapen integrala ekarriko duen inbertsioa erakartzea ere. Bultzada horrekin terapeutika-molekulak gara ditzaketen konpainia jakin batzuk identifikatuko dira, eta konpainien gaitasun guztiak abian jarriko dira garapen aurrekliniko eta klinikoa egiteko eta, azkenean, merkaturatze-fasera heltzeko.

Nafarroako Gobernuak sustatutako Moderna Planarekin bat datorren ekimen hori, sektore horretan erreferentziak diren lurraldeen azterketa zorrotzetan babesten dira, bertan sortutako konpainien azterketetan, 2010eko erdialdean jada hasi zen mundu-mailako aukerak bilatzeko prozesu bati esker (Espainia eta AEB, batez ere). Proiektua Biolty-rekin lankidetzan zuzendua dago, sektore bioteknologikoan espezializatutako aholkularitzarekin.