Hauek dira gaur Foroak ezagutu duen txosteneko datu batzuk:

1. Nafarroan, prostituzioaren eskaintza gehienak leku itxietan egiten dira eta, kasu gutxitan, kalean, Iruñean batez ere. Kalean, emakumeak gazteak izaten dira, bereziki nigeriarrak eta salerosketa egoeran daudenak; 40 eta 50 mila euro arteko zorra izaten dute. Kopuruari dagokionez asko ez diren arren, haien bazterkeria maila altuena izaten da etnia, hizkuntza, legez kontrako administrazio-egoera, zorra eta tratularien presioa direla eta.

2. 2010ean, Abiatze erakundearen datuen arabera, Nafarroan 32 pisutan jardun ziren prostituzioan. Urte horretan, "kaleko" 55 emakume, "klubetako" 318 eta "pisuetako" 159 artatu zituen. Itxaropen Gunek jakinarazi duenez, denboraldi horretan artatu ziren emakumeak berriak ziren edo lehen aldiz artatu ziren, eta kalean aritzen zirenen % 75, klubetakoen % 80,92 eta pisuetakoen % 75 izan ziren; horrek esan nahi du emakumeen txandakatzea handia dela.

3. Kasuen % 66,16tan bitartekariak daude zalantzarik gabe, eta kasuen % 33,84tan bitartekariak izateko aukera handia dago. Bitartekaritza horrek prostituzioa nolako jarduera ekonomikoa den agertzen duen adierazle homogeneoa da.

4. Egiaztatu da ezinezkoa dela herrialde garatuetan sexu-esplotazioaren merkatuan bertako emakumeak erabiltzea  hortaz, beste herrialde batzuetako emakumeak eta ezegonkortasun egoeran daudenak dira tokiko hazkunde eta eskariari erantzuten diotenak. Bitartekaritza bidaia finantzatzeko, bezeroak erakartzeko, garraioa, harrera eta zorrak egitean ematen da. Zor horiek emakumeen jatorriaren, ibilbidearen eta herrialdeetan sartzeko zailtasunen arabera aldatu egiten dira.

5. Sexu-esplotazioa eta salerosketa jasaten duten emakumeen kasuak gutxi izan arren, emakumeek aitortu eta ahoz adierazi dituzten kasuei dagokienez, egoera hori kopuruek adierazten dutena baino orokorragoa da. Kasu batzuetan tratularien indarkeria zuzenagatik eta beste batzuetan haien herrialdeetatik atera eta Espainiara iristeko ezartzen dizkieten baldintzengatik izaten da.

6. Laguntzarako erakunde gehienek Brasil jatorrizko herrialderik ohikoena dela nabarmendu dute, nahiz eta emakumeen jatorria harremana egiteko eta bezeroak erakartzeko lekuaren arabera aldatu.  Villa Teresitak, Cáritas-Betaniak eta Eleasek Saharaz hegoaldeko Afrikako eta Nigeriako emakumeen portzentaje handia artatzen dute, erakunde horien esku-hartzeko lekua kalea delako batez ere.

7. Klub eta plazetako emakumeek substantziekiko mendekotasuna dute, kasu askotan kontsumitzera behartzen dituztelako bezeroek, edo dauden egoeran bizirauteko narkotizatu behar direlako. Emakumeek osasun mentaleko arazoak izaten dituzte, kasu batzuetan toxikoak kontsumitzeari lotutakoak eta, gehienetan, bizi duten egoeraren ondorio.