Inbertsioen Europako Bankuak MODERNA Planaren garapena 250 milioi eurorekin finantzatzea proposatu du. Proiektua IEBaren "pipeline"-an dago, eta 500 milioi euro baino gehiagoko induzitutako enpresa-inbertsioa sortuko du.

Datu horiek bigarren lehendakariorde eta Ekonomia eta Ogasuneko jarduneko kontseilari Alvaro Miranda Simavillak eman ditu, finantzaketako MODERNA ildoen berri emateko eskaini den prentsaurrekoan, Plana finantzatzeko ereduan aurreikusitako tresnetako bat. Miranda kontseilariarekin batera, Politika eta Ekonomia Sustapeneko zuzendari orokor Cernin Martinez Yoldi izan da.

Jakitera eman denez, maileguaren helburua MODERNA Planeko estrategia-sektoreen barnean enpresa-proiektuak finantzatzea da. Finantzaketa-ildo horien azken onuradunak 25 milioi euro arteko enpresa-proiektuak dtuzten ETEak dira. IEBaren finantzaketa % 50ekoa izango da, onuradunentzat aldeko baldintzekin, eta ezarritako epea 12 urtekoa da, 4 urteko gabealdiarekin.

Miranda lehendakariordeak adierazi du, halaber, IEBaren mailegu hori "Europako erakundeek MODERNA Planari ematen dioten bultzada dela, bai eta Nafarroaren ibilbide ekonomikoa aitortzea ere". Gogora ekarri du ere, IEBak Bideko Autobidea eta Nafarroa 2012 Plana proiektuak ere finantzatu dituela.

Uztailean IEBaren kontseiluak finantzaketa-proiektua behin betikoz onartu ondoren, aurreikusita dago MODERNAren finantzaketa-ildoak datorren irailetik aurrera operatibo izatea.

Finantzaketako MODERNAren ildoak kanpoko mailegu eta finantzaketarekin osatzen dira, eta MODERNA Planak zehaztutako indartzen ari diren sektoreetako proiektu eta enpresentzat da. Tresna hau abian jartzeko, Planaren finantzaketa ereduak ezartzen duenez, Esparru Hitzarmenak sustatuko dira, aldebikoak edota aldeaniztunak Nafarroako Gobernuaren, finantza-erakundeen eta Kreditu Ofizialeko Institutuaren edo Inbertsoen Europako Bankuaren artean, baldintza zehatzak dituzten MODERNA proiektuak finantzatzeko; hala, baliabide ekonomikoen kopuru garrantzitsu bat proiektuak abian jartzeko erabiliko da.