Halaber, honako baldintza hauek jasotzen dira: % 20koa, inbertsio eta operazio-gastuetarako nahiz mantentze-lanetarako; % 50ekoa, azterketa eta lanetarako: % 100ekoa, emakida-erregimen bati atxiki gabeko teknologia-zentroetan edo titularitate publikoko azpiegituretan egindako jarduerengatik.

Berezitzat hartzen dira, ikerketa-zentroek eta enpresa nafarrek elkarrekin duten parte-hartzearen inbertsioko eta esperimentaziokoak proiektuak, eta honako teknologia-arloen barnean daudenak: ibilgailuentzako energia elektrikoa pilatzeko sistemak eta haiek kargatzeko guneetan; eta garraio publikoetako mugikortasun elektrikoko sistemak.

Helburua da, interes bereziko arloetan, mugikortasun elektrikoaren inguruan, Foru Erkidegoan ezagutza eta balioa sortzea (energia elektrikoa pilatzea ibilgailuetan eta mugikortasun elektrikoko kargatze/sistemen guneak garraio publikoan).

Diru-laguntza % 20koa izango da enpresa handien kasuan, eta % 100ekoa ikerketa-zentroetan. Gastuak 2010eko abenduaren 1etik 2011ko abenduaren 23a bitartean egin beharko da.

Diru-laguntza hori 2011ko urtarrilaren 1a baino lehen Nafarroan erroldatutako pertsona fisikoek jaso ahal izango dute, eta baita Nafarroan dauden izaera publiko edo pribatuko pertsona juridikoek ere.

Bestalde, ondorengo teknologiak dituzten ibilgailuak erostea diruz lagundu ahal izango dira:

- Ibilgailu elektrikoak (BEV): Sare orokor elektrikotik karga daitezkeen bateriekin bakarrik elikatutakoak.

- Jatorriz elektriko gisa egindako ibilgailuak.

-Teknologia konbentzionaletik ibilgailu elektriko bihurtutako ibilgailuak.

-Entxufa daitezkeen ibilgailuak (PHEV): funtzionatzeko duten eren artean, soilik trakzio elektrikoa izateko gaitasuna dutenak ere, eta baterietan energia sare elektrikoko elikaduraren bidez pilatzeko gaitasuna dutenak.

Diru-laguntzaren xede diren ibilgailu-moten barnean daude: autoak, furgonetak, merkataritzako furgonetak, motozikletak, kuadrizikloak, mikrobusak eta autobusak.

Ibilgailuaren sustapena Nafarroa 2020 Ikusmuga III. Plan Energetikoan jasotako jardueretako bat da, eta eskura dauden balantze energetikoen arabera, garraio-sektorea da Nafarroan energia gehien kontsumitzen duea: energia guztiaren % 38,2, industriaren aurretik (% 32,9) eta merkataritzako, zerbitzuen eta etxeko sektorearen aurretik (% 18); atzerago geratzen dira, nekazaritza (% 8,3) eta Administrazioa (% 2,6).

Nafarroako Gobernuak Nafarroako Ibilgailu Elektrikoaren Plana (VEN Plana) bideratzen du hiru estrategia-ildorekin: eskariaren sustapena, industrializazioa eta I+G+B nahiz kargatzeko azpiegiturak, eta energia-eskariaren kudeaketa. VEN Plana Industria, Turismo eta Merkataritza Ministerioak Espainian onartutako Ibilgailu Elektrikorako Estrategia Integralarekin koordinatzen da.

VEN Planaren neurrien artean, ibilgailu elektrikoak erostean dauden diru-laguntzen deialdia azaltzen da, eta energia elektrikoa kargatzeko azpiegiturei dagozkiena, haien ekintza osagarri eta proiektu bereziekin batera. Gainera, deialdi hau sartzen da Nafarroako Foru Erkidegoaren Administrazioak eta Energia Aurrezteko nahiz Dibertsifikatzeko Institutuaren artean (IDEA), 2008-2012 aldirako, izenpetutako (2008ko otsailaren 26an) lankidetza-esparruaren 2011ko ekitaldiaren barnean, Energiaren Aurrezpen eta Eraginkortasunerako Ekintza Plana 2008-2012an (PAE4+) jasotako ekintzak zehazteko eta praktikan jartzeko.