Nafarroako Gobernuak erabaki bat onartu du gaurko bilkuran eta, haren bidez, Enpresako zuzendari orokorrari baimena ematen zaio Nasuinsa sozietateari 2.150.000 euroko diru-laguntza eman diezaion. Diru hori, Arazuri-Orkoien industrialdean, iraunkorragoak diren ibilgailu elektrikoen entseguetarako azpiegitura bat eraikitzeko bideratuko da.

Diru-laguntza Nasuinsari eman zaio industrialdeko sozietate kudeatzaile gisa, eta Volkswagen Navarra SArekin lan egingo du. Azken enpresa horrek emango ditu lursail egokienak kokatu ahal izateko eta, trukean, gastu guztian duen partaidetzarekin proportzionala den erabilera pribatua izango du. Lankidetza horren barnean entseguko azpiegitura horren sorrera dago, eta azpiegituren arloan hezkuntza eta prestakuntzako jarduerak sartu ahal izango dira azpiegitura-arloan, eta baita izaera berritzaileko beste proiektu zehatz batzuk ere.

Diru-laguntza, garraio-sektorean eraginkortasun energetikoaren CO2 isuriak murrizteko xedeak lortzeko Nafarroako Gobernuak sustatu dituen ekimenen barnean sartzen da. Haien artean nabarmentzen dira: Nafarroa 2020 Ikusmuga III. Plan Energetikoa, klima-aldaketaren aurkako Borroka Plana eta Nafarroako Ibilgailu Elektrikoaren Plana. Gainera, Moderna Planean, Ekonomia Berdea izenekoaren barnean, "ibilgailu iraunkorra" etorkizuneko estrategia-arloetako baten moduan zehaztu da.