Minube.com Web-atariko blogari talde batek bidaia bat hasi du gaur goizean, Nafarroako kulturaren eta naturaren aberastasuna zuzenean ezagutzeko. Foru Gobernuaren Kultura eta Turismoko Departamentuak, Turismo Marketineko Planaren 2011ko operazio programaren barnean, antolatu duen sustapen ekintza bat da.

Minube.com bidaien Espainiako lehen sare soziala da. Bertan erabiltzaileak dira edukia sortzen dutenak, lekuak, hotelak, jarduerak eta jatetxeak gomendatuz. Gaur egun Frantzian, Alemanian, Italian, Portugalen eta Txinan du presentzia, erregistratuta dauden 130.000 erabiltzaile baino gehiagorekin eta hilean 1,5 milioi bisitatik gora erregistratzen ditu. Komunitateak sortutako eduki hori web-orritik bertatik ikus daiteke, edo minube.com-ek Facebook eta Twitter sare sozialetan dituen profilen bitartez; gainera, Iphonerako doako aplikazio batetik ere ikus daiteke.

Nafarroara etorri den taldea honako blogari hauek osatzen dute: Víctor Gómez (@machbel) web-orrien programatzailea, maketatzailea eta http://machbel.com/ blogaren sortzailea; José Luis Serralde (@guiasviajar) kazetari eta argazkilaria, http://guias-viajar.com/ orrian idazten duena; Alberto Bermejo (@Periplosyviajes) bidaiaria, http://www.alicante-periplos.blogspot.com/ sortzaileetako bat; eta Txema León (@ViajarSinDest), http://www.viajarsindestino.com/ blogean idazten duen web-orrien diseinatzailea.

Lau profesional horiek Nafarroan egiten ari diren bidaiaren jarraipena denbora errealean egin daiteke Twitter sare sozialaren bitartez. Egun bakoitzeko esperientziak eta iritziak minube-ren profilean (@minube) edo #minubetrip hasthtag-ean bilduta kontsulta daitezke. Gainera, minube.com-eko blogariek bisitatzen dituzten lekuen argazkiak hartuko dituzte hainbat erreportaje egiteko. Irudi horiek bidaiarien komunitate horri lotutako bidaiei buruzko Interneteko minube.tv telebista katean ikusi ahal izango dira.