Nafarroan trafiko-istripuz hildako pertsonen kopurua % 50 murriztu da 2011ko lehen seihilekoan 2010ean denbora-tarte horretan izan ziren heriotzekin alderatuz. Zehazki, 9 pertsona (5 gizonezko eta 4 emakumezko) hil dira Foru Erkidegoko hiri eta hiri arteko bideetan urtarrilaren 1etik ekainaren 3era, Barneko Zuzendaritza Orokorrak emandako behin-behineko datuen arabera.

Nafarroako Gobernuko errepide-sarean trafiko-istripuz 7 pertsona hil dira eta beste 2 hiriko sarean eta beste bide batzuetan. Hildakoetatik, 1 harrapatutako oinezko bat izan zen; 2010ean, berriz, denbora-tarte horretan harrapatutako oinezkoak eta hil zirenak 5 izan ziren. Ibilgailuen arteko talka da heriotza eragin duen arrazoi nagusia: 5 heriotza; horren atzetik, ibilgailuaren kontrola galdu eta ondoren erdibitzailearen aurka talka egin dutenak (2 heriotza), eta beste bat eroritako txirrindularia. 2010eko lehen seihilekoan 18 heriotza izan ziren, guztira.