Nafarroako Gobernuak, Nafarroako Zerga Ogasuna bere erakunde autonomoaren bidez, zergadun nafarrei gutun-sorta bat igorri zaiela jakin du; bertan diru-kopuru jakin bat eskatzen zaie enpresaren erregistro intrakomunitarioa egiteko (Operadore Intrakomunitarioen Erregistroa-ROI).

Bruselan helbideratutako enpresa batek igorritako gutun horiekin batera, mozteko kupoi bat duen galdetegi bat dago, eta ordainketaren frogagiri moduan bidali behar zaio; ordainketa hori aurrez transferentzia bidez egin behar izan da bertan agertzen den banku-kontuan.

Nafarroako Zerga Ogasunak gogora ekarri du, oro har, ez berak eta ezta Europar Batasuneko erakundeek ere ez dutela inolako zenbatekorik kobratzen eskaintzen dituzten laguntza-zerbitzuengatik eta, zehazki, ROIan sartzeko izapidea egiteagatik. ROIan alta edo baja eskatzeko, zerga obligaziodunek F-65 eredua soilik bete behar dute, eta ez da beharrezkoa izango inolako diru-sarrerarik egitea hura izapidetzeko.