"Nafarroako Erreinua" Turismo Bulegoak guztira 6.600 pertsonari arreta eman die iragan San Fermin jaietan (uztailaren 6tik 14ra). Jatorriari dagokionez, eskatzaileen % 51,02 estatukoak izan dira (3.367), eta % 48.98 beste herrialde batzuetako bisitariak (3.233).

Datu horien arabera, % 3,51ko igoera izan da iazko datuekin alderatuta. Zehazki, estatuko bisitarien artean % 3,57 jaitsi da eta % 12,10 igo atzerritarren artean.

Egunero 733 informazio-eskatzaileri arreta eman zaie batez beste. Goizeko 09:00etatik 11:00etara ibili da jende gehien. Hilaren 9ko egunean jaso zen jende-kopuru handiena: 1.101 eskatzaile (658 estatukoak eta 443 atzerrikoak). Jarraian, hurrenkera honetan: uztailak 8 (888 eskatzaile), uztailak 7 (844) eta uztailak 6 (795). 2010. urtearekiko, uztailaren 9an lana nabarmen handitu da, arretak % 48,18 handituz. Beste muturrean, hilaren 14an izan da jende gutxien, 459 eskatzailerekin.

Turista atzerritarren artean, frantsesak nabarmendu behar dira (% 19,7); jarraian, estatubatuarrak (% 17), australiarrak (% 11) eta britainiarrak. 2010ean, lehen postuan izan ziren: Frantzia, AEB, Italia eta Australia; beraz, aurten eskatzaile italiarrak gutxitu egin dira.

Estatuko eskatzaileei dagokienez, nabarmendu behar dira, hurrenkera honetan: Nafarroa (% 22,3), Bartzelona (% 11,3), Madril (% 10,6), Gipuzkoa (% 6,5), Bizkaia (% 6), Valentzia (% 5,5). Zerrenda hori 2010ekoarekin bat dator.