Hezkuntza kontseilari José Iribasek hezkuntza-sistema osatzen duten agente guztiekin (irakasleak, zuzendariak, ikasleak, familiak eta sindikatuen ordezkariak) "komunikazio-kanal ,zuzenak" zabaltzeko borondatea,adierazi du gaur, "gurekin lan egin nahi duenari besotik helduta lan egiteko".

Komunikabideei informatzeko ekitaldi batean, Iribasek esan du legealdi honetan bere departamentuaren jarduerak "gardentasunaren, komunikazioaren eta parte-hartzearen printzipioak" izango dituela oinarri.

Horren helburua da irakaskuntzan bikaintasuneranzko jauzi kualitatibo bat ematea. Eta horretarako –esan du- ez da nahikoa departamentuaren lana, hezkuntza-sistemako eragile guztien inplikazioa ere behar-beharrezkoa da". Horregatik azpimarratu du proposamenak entzuteko eta jasotzeko prest dagoela.

Bestalde, Iribasek adierazi du "kontu handiz administratzeko eta hersturaz jokatzeko garaiak direla", egungo egoera ekonomikoarekin bat. "Oparotasun-garaiak amaitu dira" esan du, eta "horri aurre egin behar zaio".

Ildo horretan, irakasleen eskola-orduak 18ra igo izana aipatu du. Kontseilari berriak adierazi duenez, ulertzen du sindikatuen jarrera, baina gai honi modu orokorrean heldu behar zaio. Eta, hala, erabaki horrek "kalitatea bermatzeko nahikoa langile" izatea ahalbidetzen duela ziurtatu du eta, aldi berean, "diru asko aurreztea", hain zuzen, gastu arrunteko 8 milioi euro.

Iribasek gogora ekarri du beste autonomia-erkidego batzuek lanaldi luzeagoak dituztela eta, jarrerak hurbiltzeko xedez, sektore-mahaiarekin biltzeko prest dagoela adierazi du.