Sexuaren arabera, 22.112 emakume eta 19.632 gizon dauden langabezian; aurreko hilabetearekin alderatuta, 5 emakume (%0,02) eta 39 gizon (%0,19) gehiago, hurrenez hurren. Adin-taldea kontuan hartuta, langabeziak gazteen artean izan du portaerarik onena. 25 urtetik beherako 4.646 lagun daude langabezian; hots, 66 pertsona gutxiago (-%1,40). 25 urtetik gorakoak, aldiz, 37.098 pertsona dira, aurreko hilabetean baino %0,30 gehiago. Etorkinen artean, 193 langabe gutxiago izan dira.

Enplegu-agentzien arabera, langabeziak eskualdeko enplegu-agentzia hauetan egin du behera: Tutera (-%3,25), Lodosa (-%0,82) eta Lizarra (-%0,17). Hala ere, Tafallan (%0,44), Iruñean (%0,85), Aoizen (%2,29), Donezteben (52,39) eta Altsasun (%4,51) gora egin du.

Sektore ekonomikoei erreparatuz gero, gazteen arteko langabeziaren jaitsiera erakutsi du aurreko enplegurik gabeko pertsonen portaera onak, 71 langabe gutxiago izan baitira. Eraikuntzan 4 langabe gutxitu dira; aldiz, nekazaritzan, industrian eta zerbitzuen sektorean gehitu, 3, 64 eta 52 lagun, hurrenez hurren.

Jarduera ekonomikoaren azpisektoreka, langabeziak batez ere honako hauetan egin du behera: enpleguarekin lotutako jarduerak; aurreko enplegurik gabeko pertsonak; txikizkako merkataritza, motodun ibilgailu eta motozikletena izan ezik; elikagaien industria eta osasun-jarduerak. Azpisektore ekonomikoetan ondorengoek izan dute igoera: hezkuntza, kirol-jarduerak, jolas eta entretenimendurako jarduerak, eraikuntza espezializatuko jarduerak, motordun ibilgailuen, atoien eta erdiatoien fabrikazioa eta kautxuzko eta plastikozko produktuen fabrikazioa.

2010eko uztailarekin alderatuta, 803 langabetu gehiago egon dira oraingoan balio absolutuetan; hau da, %1,96 balio erlatiboetan. Krisia hasi zenetik, uztailean urtetik urtera ondorengo bilakaera izan da Nafarroan: 2008an urtetik urterako langabezian 3.657 pertsona gehitu ziren; 2009an, 13.788 langabetu; 2010ean, 3.211 lagun eta 2011n, 803.

Kontratu-kopuruari dagokionez, Nafarroan, guztira, 19.911 kontratu sinatu dira uztailean. Espainian ez bezala, kontratazioaren urtetik urterako bilakaerak balantze positiboa izan du Nafarroan, %0,32 gehitu baita, Estatu osoan -%3,43 jaitsi den bitartean.

Gizarte Segurantzara batez beste 265.830 langile afiliatu dira, aurreko hilabetean baino 385 langile gutxiago.

Azken urtean zehar, Nafarroan 1.168 pertsona gutxiago afiliatu dira; hau da, -%0,44 gutxiago (Espainia osoan -%1,18 gutxiago).